Fleiri fráboðanir um herverk í høvuðsstaðnum

Hóast nógv fólk hava verið í býnum um vikuskiftið, hevur verið friðarligt, sigur løgreglan.

Men í gjár fekk løgreglan fleiri fráboðanir úr Havn um, at onkur hevði framt herverk á bilar. Eitt nú hevði onkur skorið dekkini upp á eina bilinum.

Vaktleiðarin á politistøðini sigur, at løgreglan er í ferð við at kanna málið.

Seinnapartin í gjár varð ein bilførari í Suðurstreymi eisini tikin fyri at koyra við kenning.

Viðkomandi er nú skuldsettur fyri rúsdrekkakoyring, og er blóðroynd tikin av honum. Bíðað verður nú eftir úrslitinum, áðrenn meira verður gjørt við málið.