Fleiri vitni til harðskapsmál í Steinatúni

Tað hjálpti tá løgreglan í gjár fór út í miðlarnar at sóknast eftir fleiri vitnum til harðskapsmál í Steinatúni í Havn, sum fór fram sunnunáttina.

Fleiri fólk, sum halda seg hava sæð okkurt, hava vent sær til løgregluna, upplýsir vaktleiðarin á løgreglustøðini í morgun.

Eingin er enn skuldsettur í málinum, sum byrjaði tá illstøða kom millum tveir menn niðri við Glitnir. Í Steinatúni, við gamla bankabygningin, fekk eini maðurin eina fløsku í andlitið.

Málið bleiv ikki meldað, men løgreglan fekk frænir um málið í sambandi við annað mál.,

Hendingin skal vera farin fram millum tíggju minuttir í trý til tjúgu minuttir yvir fýra sunnumorgunin.

Vaktleiðarin heitir framvegis á fólk, sum halda seg hava sæð okkurt, at seta seg í samband við løgregluna á telefon 114.