Flogfar dottið niður í Hawaii

Níggju fólk hava latið lív, eftir eitt flogfar datt niður á Oahu, triðstørstu oynni hjá Hawaii í gjárkvøldið.

Øll fólkini, sum vóru umborð á flogfarinum lótu lív, men upplýsingar um, hvørji hesi eru, er ikki almannakunngjørt.

Flogfarið, ið datt niður nærindis floghavnini Dillingham Airfield á norðara partinum av oynni, varð brúkt til fallskíggjalop.

Ógreitt er, um flogfarið var í ferð við at fara upp í luftina, ella um tað var í ferð við a lenda, tá vanlukkan hendi, skrivar Politiken, men sambært óváttaðum frágreiðingum frá eygnavitnum, var flogfarið áveg upp í luftina.

Leiðarin hjá sløkkiliðnum í Honolulu sigur, at tey enn eru í ferð við at savna upplýsingar um støðuna.