Flogfar dottið niður í Philadelphia

Aftur í nátt hevur ein flogvanlukka verið í USA.

Eitt sjúkraflutningsflogfar við seks fólkum umborð, harímillum eitt barn, datt í nátt niður í Philadelphia í amerikanska statinum Pennsylvania, og eldur kyknaði í fleiri bygningum, upplýsir Jet Rescue Air Ambulance, sum hevur ábyrgdina av loftvegis sjúkraflutningi í USA.

Umborð á flogfarinum var eitt barn og mamma hennara, umframt manningin, sum taldi fýra fólk. Øll seks vóru úr Meksiko. Barnið hevði fingið viðgerð fyri lívshættisliga sjúku í Philadelphia og skuldi flytast heimaftur til Meksiko.

Í minsta lagi seks fólk á landi fingu skaða, tá flogfarið datt niður. Tey vórðu flutt á sjúkrahús, og trý teirra eru síðani útskrivað aftur.

Fyrradagin stoyttu ein hernaðartyrla og eitt ferðafólkaflogfar saman nærindis Washington D.C. 64 fólk vóru í flogfarinum, og trý herfólk vóru í tyrluni. Øll lótu lív.