Fólkaflokkurin innstillar Árna Skaale og Sólvit Nolsø sum landsstýrismenn

Seinastu dagarnar hevur verið dúliga gitt um hvør fer at taka yvir landsstýrissessirnar hjá Fólkaflokkinum, eftir at Jacob Vestergaard og Elsebeth Mercedis Gunnleysdóttur søgdu seg úr starvi.

Fólkaflokkurin boðar í kvøld frá, at flokkurin hevur valt at innstilla Árna Skaale sum landsstýrismann í fiskvinnnumálum og Sólvit Nolsø sum landsstýrismann í almannamálum.

Árni Skaale er 55 ára gamal og býr í Klaksvík. Hann er giftur Halldis á Grønastøð og tey eiga tey trý børn. Árni er útbúgvin framleiðsluverkfrøðingur og seinastu árini 22 árini, hevur hann verið stjóri á fyritøkuni Looknorth í Klaksvík.

Sólvit Nolsø er 36 ára gamal og býr í Havn. Hann er giftur Erlu Bech Nolsø og tey eiga trý børn. Sólvit er stjórnmálafrøðingur og hevur seinastu árini starvast sum tíðindamaður. Síðan apríl í fjør, hevur hann verið í starvi sum skrivari hjá tingbólki Fólkafloksins.