Fongslað mannarættindastríðskvinna fingið friðarheiðursløn Nobels

Iranska mannarættindastríðskvinnan Nargas Mohammadi hevur fingið friðarheiðursløn Nobels í stríðnum fyri frælsi í Iran.

Hetta kunngjørdi Nobel-nevndin í dag.

Hon situr framvegis fongslað í Iran, har hon millum annað hevur lagt iransku trygdardeildirnar fyri at fremja valdsgerð í sambandi við mótmælisgongur fyri frælsi hjá iranskum kvinnum.

Narges Mohammadi er 51 ára gomul, og er fødd í iranska býnum Zanjian.

Hon hevur síðani 2011 fingið fleiri fongsulsdómar, og situr nú í fongsli fyri ein dóm í 2022, har hon millum annað verður løgd undir at spjaða propaganda móti stadinum. Tá fekk hon átta ára fongsul og 74 koyrilsbrestir. Revsingin er síðani herd.