Fongslaður í 14 dagar fyri harðskap

Ein maður var í gjár fongslaður í 14 dagar fyri harðskap. Tilburðurin fór fram í Havn sunnukvøldið.

Løgreglan er í hesum sambandi ikki sinnað at greiða nærri frá nær og hvussu tað er hent.

Orsøkin til at løgreglan kravdi at maðurin varð varðhaldsfongslaður, skal helst finnast í, at skuldsetti hevur líknandi skuldsetingar hangandi frammanundan, upplýsir vaktleiðarin hjá løgregluni.