Uttanlands

Formaðurin í Siumut afturvaldur

Fyrrverandi formaðurin, Kim Kielsen og fólkatingslimurin Aki-Matilda Høegh-Dam stillaðu upp ímóti honum, men Erik Jensen fekk meirilutan av atkvøðunum

Erik Jensen, sum fekk 57 prosent av atkvøðunum á landsfundinum, sigur, at hann er errin um, at undirtøkan var so stór (Mynd: KNR)

Erik Jensen, sum fekk 57 prosent av atkvøðunum á landsfundinum, sigur, at hann er errin um, at undirtøkan var so stór (Mynd: KNR)

2023-07-31 08:51 Author image
Alda Nielsdóttir
placeholder

Erik Jensen skal framhaldandi standa á odda fyri grønlendska flokkin Siumut.

Tað er greitt eftir at hann fekk flestar atkvøður á formansvalinum í sambandi við landsfundin í Qasigiannguit um vikuskiftið.

Erik Jensen, ið hevur verið formaður í Siumut síðan november 2020, fekk 39 av 68 atkvøðum.

Fyrrverandi formaðurin, Kim Kielsen og fólkatingslimurin Aki-Matilda Høegh-Dam stillaðu eisini upp til formansvalið. Tey fingu ávikavíst 13 og 16 atkvøður, skrivar Ritzau.

– Eg eri sera rørdur. Eg eri eisini sera fegin og errin um, at undirtøkan var so stór, sigur afturvaldi formaðurin sambært grønlendska kringvarpinum KNR.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder