Føroya Arena er ein framtíðartrygging av Føroyum

- Okkara sera dugnaligu bestu hondbóltsspælarar hava ikki uppiborið at skula spæla sínar heimadystir í Skjern ella Royal Arena. Tað er skomm. Og hví skulu vit senda upp í fleiri flogfør av føroyingum av landinum, sum vilja uppliva til dømis Elton John syngja í Horsens?

Tað eru slíkir spurningar, sum Tummas Justinussen setti sær, tá hann fyri nøkrum árum síðani setti seg at kanna møguleikarnar fyri at fáa eina stórhøll til Føroyar.

- Okkara ungdómur hevur uppiborið ordiligar umstøður, bæði til innandura ítrótt og til konsertir.

- Eg kundi gott hugsa mær at sloppi at hoyrt til dømis Alan Jackson ella Bruce Springsteen í Føroyum. Men tað er ongin møguleiki, tí vit hava ikki umstøðurnar til tað.

- Eg vil eisini hava, at míni børn, sum hava stóran áhuga fyri hondbólti, fáa møguleika at síggja landsliðini spæla í Føroyum.

Tummas Justinussen kenna vit sum driftigan vinnulívsmann handan skipafeløgini Skansi Offshore og Smyril Line og hotell- og matstovuvirksemið við tilknýti til Hotel Hafnia.

- Tú mást ikki misskilja meg. Her er ikki talan um eina íløgu fyri okkum, sum skal vinna seg innaftur. Her liggur ongin vinningur í fyri okkum, annað enn at vit tryggja virksemi og trivnað í býnum, sum kanska kann gagna okkara fyritøkum.

Les alla greinina ókeypis í Blaðnum Vikuskifti her