Leygardagin 15. mai verður fyrsta tiltakið og aðalfundur hjá Føroyamáli. Tiltakið verður í Skúlanum á Fløtum kl.13.00-15.00 á Háslættanum við inngongd D.
Evnið til fyrsta tiltak okkara er undirvísingartilfar á føroyskum. Í hesum sambandi fer Marianna Skarðenni Poulsen at greiða frá Finku-bókunum, sum millum annað hevur vunnið altjóða virðisløn.
Harafturat fer Lydia Didriksen at greiða frá arbeiðinum við Les-røðini. Loksins fer Christina Jensen at greiða frá MA-ritgerð síni, ið snúði seg um kanon í føroyskum bókmentum.
Eisini hava vit aðalfund, har frágreiðing verður um virksemi felagsins og framtíðarætlanir.
Okkurt ábit verður at fáa, og Jógvan Andrias Joensen fer at spæla nøkur løg.
Skrá:
Kl. 13.00 – Forkvinnan, Óluva Klettskarð, bjóðar vælkomin + Ársfrágreiðing um virksemi felagsins og framtíðarætlanir
Kl. 13.15 – Helena Kannuberg greiðir frá faldara um málmenning hjá fleirmæltum pinkubørnum
Kl. 13.30 – Marianna Skarðenni Poulsen – FINKA
Kl. 13.45 – Steðgur + Tónleikainnslag
Kl. 14.15 – Lydia Didriksen – LES
Kl. 14.30 – Christina Jensen – Kanon í føroyskum bókmentum
Kl. 14.45 – Val av nevndarlimi
Kl. 15.00 – Liðugt
Vinarliga broyt tínar kennifíla - og privatlívsstillingar fyri at síggja hetta innihald