Tveir av fimm luttakarum í X Factor í kvøld eru føroyskir. Tískil seta Føroyar og føroyskt sum vant dám á sendingina.
Eitt filmslið frá X Factor var á vitjan í summarhúsi hjá familjuni hjá Tinu, har skerpikjøt var á borðinum, og eisini við Kára og mammuni, Oddvu Benadiktu Nesstein, ein gongutúr.
Tina framførdi egið lag við heitinum “Ord”. Tað gjørdist ein kensluborin løta í upptøkuhølunum eftir sangin, tí hoyvíkingurin setti eisini orð á nógvu ljótu viðmerkingarnar, hon hevur fingið hesa seinastu vikuna.
Verturin Sofie Linde gav hyggjarunum ein uppsang, og bað fólk uppføra seg ordiligt.
Hetta er besta framførsla tú hevur havt á hesum pallinum. Eg kann slett ikki ímynda mær eina finalu uttan teg, tað hevði verið synd fyri sendingina, segði Blachman.
(Skíggjamynd: TV2)
Vinnur heila lortið ella rýkur út nú
Kári Fossdalsá royndi seg á svenskum við lagnum Svag hjá Victor Leksell. Vit sum ikki eru so køn í svenskum halda, at málið var gott, men Thomas Blachman snýtir tú ikki.
- Eg havi svenska damu, og eg dugdi ikki at plasera tað svenska málið. Um tað var Malmø ella Stockholm, ella um tað kanska var føroyskt-svenskt, skemtaði Thomas Blachman.
- Antin vinnur tú heila lortið ella rýkur tú út reletivt skjótt, legði hann afturat
Kappingin er hørð, og brúk er fyri øllum atkvøðum. Um eina løtu verður gjørt upp.
X Factor sæst á danska TV2.
Fyri Tinu skal atkvøðast TI til 1234
Fyri Kára skal atkvøðast KA til 1234
Vinarliga broyt tínar kennifíla - og privatlívsstillingar fyri at síggja hetta innihald