Føroyingur gjørdist millióningur í skavispæli

Ein føroyingur er blivin millióningur í skava-og-vinn spælinum Million Quick hjá Danske Spil.

Tað boðar Danske Spil frá í morgun.

Skava-og-vinn-seðilin varð keyptur fyri 25 krónur á eini Effo støð í Havn.

Viðkomandi skavaði seg fram til trý felt ið vóru eins, og tryggjaði sær sostatt eina millión skattafríar krónur.

Million Quick er eitt av best umtóktu skavi-spølunum hjá Danske Spil. Spælið gevur vinning á triðja hvørjum seðli, verður upplýst.

Tá føroyingar vinna í spølum hjá Danske Spil, kemur tað føroyskum ítrótti og ungdómsarbeiði til góðar, tí pengarnir, sum føroyska ítróttaveddingin, fær frá Danske Spil at útluta víðari, er bundin av hvussu nógv føroyingar spæla og vinna.