Føroyska Sólbjørg vald á Fólkating

Tað verða minst tríggir føroyskir limir á fólkatingi hetta komandi valskeiði.

Seinnapartin gjørdist greitt, at Sólbjørg Jakobsen úr Runavík er vald á fólkating. Hon stillaði upp fyri Liberal Alliance fyri norðurjúska valdømið.

Liberal Alliance fekk eitt sera gott val í gjár, og fekk 16 fólkatingslimir valdar. Ein teirra er føroyingurin Sólbjørg, sum býr í Vestbjerg, beint norðan fyri Aalborg, og sum stóð á odda fyri Liberal Alliance í Norðurjútlandi.