Forsætisráðfrúan var ‘clean’

Finski stjórnarleiðarin, Sanna Marin, hevur ikki verið ávirkað av narko. Ein narkotest er gjørd av henni, og hon er negativ.

Tað upplýsir finska forsætismálaráðið í fráboðan í dag.

- Tað eru ikki funnin evnir í narkoroyndini, ið varð gjørd av Sonnu Marin, forsætisráðfrúu hin 19. august, verður sagt í fráboðanini.

Forsætisráðfrúan hevur sjálv goldið fyri testina, verður lagt afturat.

Tað skapti til kjak og eisini øsing, tá eitt filmskut av Sonnu Marin, sum dansaði á eini veitslu, varð almannakunngjørt á sosialu miðlunum herfyri.

Hetta fekk kritikarar at vísa á, at tað ikki ber til at halda sær á gleimi á slíkan hátt, tá ein er forsætisráðharri – ella kanska serliga -frúa.

Onnur hava víst á, at forsætisráðfrúan skal kunna stuttleika sær sum onnur vanlig fólk uttan harvið at verða løgd undir ikki at røkja sítt embæti.

Sanna Marin hevur greitt frá, at hon valdi at taka narkoroyndina fyri at verja seg sjálva.

- Eg havi aldri tikið rúsandi evni í mínum lívi – heldur ikki sum tannáringur. Eg vildi ynskt, at vit livdu í einum samfelag, har fólk høvdu álit á tí eg segði. Men eg havi valt at taka royndina, tí illgruni varð reistur móti mær, segði hon á tíðindafundi farna fríggjadag, skrivar Ritzau.

Filmskutið sæst við at trýsta á Twitter-leinkjuna herundir:

Finland’s Prime Minister @MarinSanna is in the headlines after a video of her partying was leaked today.

She has previously been criticized for attending too many music festivals & spending too much on partying instead of ruling.

The critics say it’s not fitting for a PM. pic.twitter.com/FbOhdTeEGw

— Visegrád 24 (@visegrad24) August 17, 2022