Uttanlands

Forsætisráðharrin í Luksemborg fingið staðfest koronu

Hann varð innlagdur til eygleiðingar í gjár – Herfyri varð hann á ES-toppfundi í Brússel, men mett verður ikki, at nakar av hinum stjórnarleiðarunum hevur havt tætt samband við hann

Xavier Bettel, tá hann tosaði við tíðindafólk í Brússel í farnu viku (Mynd: EPA)

2021-07-05 10:27

Alda Nielsdóttir

Xavier Bettel, forsætisráðharri í Luksemborg, varð sunnudagin innlagdur við koronu, skrivar miðilin RTL.

Xavier Bettell varð staðfestur smittaður 27. juni, og verður hann innlagdur í 24 tímar til eygleiðingar fyri at binda um heilan fingur. Stjórnarleiðarin skal ígjøgnum fleiri kanningar, áðrenn hann verður útskrivaður.

Bettel varð staðfestur positivur stutt eftir, at ES-toppfundur hevði verið í Brússel, men mett verður ikki, at nakar annar stjórnarleiðari hevur havt tætt samband við hann.

Fyrst í mai mánað fekk forsætisráðharrin annars fyrru koppsetingina fyri koronu. Hann varð koppsettur við koppingarevninum hjá AstraZeneca.

Vinarliga broyt tínar kennifíla - og privatlívsstillingar fyri at síggja hetta innihald