Uttanlands

Forsetin ynskir at Andrew Cuomo leggur frá sær

Kanning staðfestir, at guvernørurin í New York hevur gjørt seg kynsliga inn á fleiri kvinnur

Andrew Cuomo hevur verið guvernørur í New York síðan 2011 (Mynd: EPA)

Andrew Cuomo hevur verið guvernørur í New York síðan 2011 (Mynd: EPA)

2021-08-04 07:03 Author image
Ingi Samuelsen
placeholder

Amerikanski forsetin, Joe Biden, heitir nú at guvernørin í New York, Andrew Cuomo, um at leggja frá sær. Hetta hendir eftir at ein kanning er sett í verk at kanna skuldsetingar um, at guvernørurin skal hava gjørt seg kynsliga inn á fleiri kvinnur.

- Eg haldi, at hann eigur at fara frá, segði forsetin á einum tíðindafundi í Hvítu Húsunum í gjár, skrivar Reuters.

Tað er ein frágreiðing frá løgmálaráðnum í statinum New York, sum staðfestir, at Andrew Cuomo skal hava gjørt seg kynsliga inn á fleiri kvinnur, teirra millum eru kvinnur, sum vóru í starvi hjá guvernørinum. Andrew Cuomo hevur víst øllum skuldsetingum aftur.

Eisini formaðurin fyri amerikanska umboðsmannatingið, demokraturin Nancy Pelosi, hevur heitt á partamann sín um at leggja frá sær. 

Andrew Cuomo er 63 ára gamal. Hann hevur fyrr verið íbúðarráðharri undir Bill Clinton, forseta.

[object Object]
Eldri mynd av Joe Biden og Andrew Cuomo, tikin meðan Biden var varaforseti í USA (Mynd: EPA)

placeholder
placeholder