Stórur spenningur er kring borðið við framsóknarfólkum í Norðurlandahúsinum í løtuni.
Alt bendir á, at Framsókn fer at fáa eitt gott val í Suðurstreymi, og tað verður nú eisini staðfest.
Á Argjum fekk Framsókn fleiri atkvøður enn Fólkaflokkurin – 212 móti 186 – og bunkaprognosurnar hjá Sigruni Brend hava eisini bent á, at Framsókn fer at klára seg munandi betur enn Fólkaflokkurin í Havn eisini.
Forsøgnin nú bara Havnin er eftir sigur eisini, at Framsókn nú stendur til at fáa 3 tingfólk. Javnaðarflokkurin stendur framvegis til at vaksa við tveimum til 9 tingfólk.
Flokkarnir, ið nú standa til at missa tingfólk eru Fólkaflokkurin tvey og Sjálvstýri.
Ruth Vang fær eitt sera gott úrslit í kvøld og verður toppskorari á framsóknarlistanum framman fyri Bjarna K. Petersen. Í løtuni er nólsoyingurin Karlot Hergeirsson nummar trý á listanum og Sólvit Nolsøe nummar fýra. Møguliga kann úrslitið í Havn broyta hesa raðfylgjuna.
Vinarliga broyt tínar kennifíla - og privatlívsstillingar fyri at síggja hetta innihald