Uttanlands

Fortnite tikið av App Store

Apple hevur tikið væl umtókta spælið Fortnite av teirra tænastu. Mennarin av spælinum hevur gjørt sína egnu gjaldsskipan, sum koyrir uttan um kt-risan, og tað góðtekur Apple ikki

2020-08-13 23:39 Author image
Sverri Egholm
placeholder

Væl umtøkta spælið Fortnite er ikki longur tøkt á App Store hjá Apple. Hetta tí, at fyritøkan sum mennir Fornite hevur gjørt egnu gjaldsskipan. Tað skriva útlendskir miðlar í kvøld.

Sambært Reuters sigur Apple orsøkina vera, at kt-risin ikki hevur góðkent nýggju gjaldsskipanina í spælinum. Amerikianski miðilin The Verge, skrivar, at við nýggju gjaldsskipanini fór Fortnite uttan um reglugerðina hjá Apple um, at tey skulu hava 30 prosent av upphæddunum, sum fara ígjøgnum.

- Epic Games, sum framleiðir Fortnite, tók í dag ta óhepnu avgerð, at hava brotið reglugerðina fyri App Store, sum er galdandi fyri allar mennarar, og sum er gjørd fyri at App Store skal vera eitt trygt stað fyri okkara brúkarar, sigur Apple við The Verge.

Fortnite er eitt spæl, har øll berjast móti hvørjum øðrum til ein spælari er eftir. Spælið bleiv tøkt á App Store í 2018, og bleiv tikið niður meira enn 100 milliónir ferð fyrstu fimm mánaðirnar.

Spælið hevur fleiri enn 350 milliónir skrásettar brúkarar.

placeholder
placeholder