Fóturin endaði undir bussinum

Í tysingartíð seinnapartin í gjár var eitt ferðsluóhapp á Frælsinum í Havn. 

Ein eldri maður, sum steig út úr bussinum og datt. Fóturin er onkursvegna endaður undir bussinum, og bussurin koyrdi á fótin tá hann var á veg avstað, upplýsir vaktleiðarin á løgreglustøðini.

Løgreglan og sjúkrabilur komu á staðið og hjálptu manninum.

Eldri maðurin hevur brotið fótin.