Frá mánadegnum ber til at melda til Tórshavnar Kvøldskúla

Tórshavnar Kommuna boðar frá, at í komandi viku ber til at melda seg til kvøldskúlan

Tilmeldingin til skúlaárið 2019/20 hjá Tórshavnar Kvøldskúla letur upp mánadagin 26. august klokkan 18 og endar sunnudagin 1. september 2019. 

Kvøldskúlafaldarin verður um dagarnar borin í húsini og bjóðar aftur í ár til eitt  fjølbroytt kvøldskúlaár. Kvøldskúlin er við 3100 næmingum tann størsti skúli í landinum og hevði aftur metstórt næmingatal í fjør.