Frælsi: Upplýsandi fyrilestur um rúsevnismisnýtslu

I kvøld, mikukvøldið 14. februar klokkan 19.00, skipar viðgerðarstovnurin Frælsi fyri upplýsandi fyrilestri í Missiónshúsinum í Skálavík.

Evnið er, hvussu vit kunnu fyribyrgja rúsevninsmisnýtslu og hvørji eyðkenni ein skal vera varugur við, tá ið talan er um rúsevnismisnýtslu.

Endamálið við fyrilestrinum er at upplýsa um rúsevnismisnýtslu og geva foreldrum, avvarðandi, starvsfólkum og umsorganarpersónum amboð til at hjálpa ungum, sum eru blivin bundin at rúsevnum. Eisini verður hugleitt um, hví so nógv ung taka rúsevni í dag.

Fyrilestrarhaldari er Erling Fles, løggildur sálarfrøðingur.

Fyrilesturin er ókeypis og verður í Missiónshúsinum í Skálavík. Hann byrjar klokkan 19. Kaffi og køkur verða at fáa.

Viðgerðarstovnurin Frælsi