Framvegis hált og glerstoytt í støðum

Frá tíðliga í morgun hevur Landsverk á heimasíðu sínari ávarað um, at tað kann vera hált og glerstoytt í støðum kring landið, umframt at jarðrok kann kann vera, tá tað ælar.

Sí eisini: Ikki koyrandi til Gjáar

Tað verður framvegis mælt fólki til at koyra varliga, og undir "Koyrilíkindi" sæst, at roknast kann við hálku í ymiskum støðum.

Umboð fyri Landsverk segði við Portalin fyri løtu síðani, at tað er klárt og gott at koyra nógvastaðni, men at trupulleikar kunnu vera í støðum, tá ælini raka. 

Eitt ferðsluóhapp var fyrrapartin, ið gjørdi, at vegurin millum Norðragøtu og Gøtugjógv var stongur í áleið hálvan tíma. Tað tók eina løtu hjá Landsverk at sleppa framat at rudda vegin, og nógvir bilar stóðu í bíðirøð.