2021-02-03 13:05
Agnar Prestá
Agnar Prestá
Í gjár var ein vika liðin, síðani seinasta staðfesta koronatilburðin í Føroyum. Tvey fólk vórðu staðfest frísk, so at talið av smittaðum kom niður á trý.
Heldur eingin nýggjur smittutilburður varð staðfestur í gjár. Tað vísa nýggjastu tølini hjá Landslæknanum.
230 kanningar vórðu gjørdar - tað vantar úrslitið av sjey kanningum - Í alt eru 222.803 kanningar gjørdar.
Tilsamans hava nú 654 persónar fingið staðfest smittuna í Føroyum. Í alt eru 650 persónar staðfestir frískir aftur. Higartil er ein persónur deyður við koronu í Føroyum. Sostatt eru tríggir persónar smittaðir í løtuni, sambært corona.fo.
Ein persónur er í løtuni innlagdur á Sjúkrahúsverki Føroya í sambandi við koronusmittu.
Vinarliga broyt tínar kennifíla - og privatlívsstillingar fyri at síggja hetta innihald