Uttanlands

Franski forsetin smittaður við koronu

Emmanuel Macron var á fundi við forsetan í Evroparáðnum og við spanska forsætisráðharran mánadagin. Teir eru tískil í sóttarhaldi, eins og franski forsetin er

42-ára gamli forsetin í Fraklandi er nú í sóttarhaldi. Hann verður í sóttarhaldi á sínum 43-ára førðingardegi mánadagin (Mynd: EPA)

2020-12-17 16:53

Agnar Prestá

Altjóða miðlar skriva í dag, at Emmanuel Macron hevur fingið koronasmittuna. Forsetin í Fraklandi er ikki heilt illa fyri, tí hann fer at arbeiða heimanfrá í sóttarhaldstíðini, sum í Fraklandi er í eina viku. Macron verður 43 ár mánadagin.

Tað at Emmanuel Macron hevur koronu ger, at fleiri aðrir høgir harrar skulu í sóttarhald. Franski forsetin hevur havt fleiri altjóða fundir seinastu dagarnar - millum annað mánadagin tá hann var saman við Pedro Sánchez, ið er spanskur forsætisráðharran mánadagin. Sánchez er nú farin í sóttarhald, og tað er forsetin í Evroparáðnum, Charles Michel, eisini, Hann var á fundi við 42-ára gamla Macron mánadagin.

Korona rakar Frakland rímiliga hart í løtuni. Sambært Worldometers eru yvir tveir milliónir aktivir smittutiburðir í landinum við 67 milliónum íbúgvum. Tó eru tað langt frá allir av hesum, ið eru álvarsamir. 2,850 fólk við koronu verða mett av verða í einari álvarsamari støðu.

Vinarliga broyt tínar kennifíla - og privatlívsstillingar fyri at síggja hetta innihald