Franski kappingarmyndugleikin givið Google risabót

Google hevur fingið eina stóra bót frá franska kappingarmyndugleikanum.

Sambært Ritzau er upphæddin, sum Google skal gjalda, 150 mió. evrur (meira en 1,1 mia. í okkara krónum).

Google hevur fingið hesa bótina fyri kappingaravmarkandi atburð og fyri at hava ógreiðar lýsingar á Google Ads.

Í hesum døgum hava fleiri evropeisk lond neyvt eftirlit við fyritøkum sum Google, Facebook, Apple og Amazon, sum ofta hava verið fyri atfinningum fyri at gjalda ov lítið í skatti.

Í september játtaði Google eisini at gjalda tað, sum svarar til uml. 7,5 mia. krónur til fransku myndugleikarnar fyri at fáa ein enda á eitt mál um skattasvik, sum hevði koyrt í fýra ár.

Google ætlar at kæra bótina til myndugleikarnar í Fraklandi.