Fríðrikur 10. er nú kongur

Á fundi í statsráðnum fyri løtu síðani, legði Margreta drotning formliga frá sær.

Danska kongaríkið hevur sostatt aftur fingið ein kong, Fríðrikur 10, og eisna nýggja drotning, Mary drotning. Sonur teirra, Christian er nú krúnprinsur.

Í dag eru júst 52 ár síðan, Margreta drotning, ið varðveitir drotningaheitið, yvirtók trónuna, eftir at pápi hennara, Fríðrikur 9. doyði. Margreta drotning hevur sitið longri enn nakar annar danskur kongur ella drotning.

Hett er fyrstu ferð í yvir 800 ár, at ein danskur kongur ella drotning hevur valt at lata trónuna víðari. Seinast hetta hendi var í 1146, tá Erik Lam legði frá sær.

Klokkan 14 fer nýggi kongurin út á svalan á Christiansborg, har Mette Frederiksen, forsætisráðharri, fer at lýsa kongsskiftið. Síðani fer Fríðrikur kongur at halda røðu.