Mentan

Fróði Justinussen 950.000 krónur ríkari

Ein partur av Gekkinum fór í kvøld

2019-10-04 20:22 Author image
Sverri Egholm

Aftur í kvøld vóru nógvir pengar uppá spæl í Gekkinum. Heilar 2.800.000 krónur.

Tískil var stórur spenningur í fjórða spæli. Fróði Justinussen úr Trongisvági ringdi inn við fullari plátu, og slapp at royna seg á gekkahjólinum. Og tað gekk sum tað skuldi.

Hann valdi at deila stóru upphæddina í trý og í teir tríggjar leyparnar. Sostatt vóru 950.000 krónur í hvørjum leypi.

[object Object]

Bæði í fyrsta og øðrum snari var hann ein seym frá teimum 950.000 krónur. Ótrúligt í sær sjálvum, men hann helt fram. Í triðja og seinasta snarið bragdaði, og Fróði Justinussen kom á bláa leypin.

950.000 krónur úr Sortudíki til Trongisvágs.

Næsta fríggjakvøld eru tvær milliónir uppá spæl.

placeholder
placeholder