Fróði Mortensen nýggjur kommunustjóri í Tvøroyar Kommunu

Fróði Mortensen er 56 ár, hann er búsitandi í Trongisvági og hevur seinastu 3 árini starvast sum Tekniskur leiðari hjá Vágs Kommunu. Frammanundan hetta hevur Fróði Mortensen starvast sum økisleiðari fyri Føroya Tele í Suðuroynni í 16 ár.

 

Uppgávan hjá kommunustjóranum verður lýst sum, at hann er næsti ráðgevi hjá býráðnum og borgarstjóranum, og skrivari hjá býráðnum, fíggjarnevndini, sosialu nevnd og mentanarnevndini, og málsviðgeri í málum hjá hesum nevndum. Kommunustjórin varar eisini av starvsfólkaøkinum hjá kommununi, og umboðar kommununa í starvsbólkinum hjá Kommunufelagnum. Starvið er bygnaðarliga skipað sum partur av ovastu umsitingarligu leiðsluni saman við borgarstjóranum

 

Fróði Mortensen byrjar í starvinum 1. november.