Fult hús í Mjørkadali

Nógvar varðhaldsfongslingar hava verið seinastu tíðina, og tað hevur nú við sær, at arrestin í Mjørkadali er undir trýsti.

Tað er m.a. handtøkurnar, sum løgreglan hevur gjørt í sambandi við rúsevnamál seinastu tíðina, sum er orsøkin til hetta.

Michael Boolsen, fúti segði við Útvarpið á middegi, at tey verða noydd at flyta fólk av landinum at sita í varðhaldi. Hetta er tó ikki nakað, sum hendir ofta, sigur hann.

– Hetta er ein støða, sum uppstendur, tá vit loysa rættiliga nógvan kriminalitet í senn, sum krevur varðhaldsfongling.

14 pláss eru í Mjørkadali. Í løtuni sita 10 persónar inni, og neyðugt er at hava tvey í hvørjum kliva.

Hoyr innslagið her.