Funnu ikki grindina aftur

Tá bátar fóru út at leita eftir grindini millum Trælanípu og Prestland, var hon ikki at finna. Leitingin er steðgað.

Fyrr í kvøld vóru grindaboð vestanfyri, og ætlanin var at reka grindina inn á Sandavág ella Miðvág.

Men bátarnir sum fóru at leita eftir grindini, funnu hana ikki aftur. Nú fer eisini at blíva myrkt skjótt, bátarnir eru á veg inn aftur.