Fýra tilburðir staðfestir í gjár

Fýra nýggir tilburðir av covid-19 vórðu staðfestir í gjár, upplýsa heilsumyndugleikarnir í dag.

Tríggir persónar eru partur av smittuketu, sum Landslæknin fylgir. Ein persónur er komin til Føroya úr útlondum, og fekk staðfest smittuna við kanningini á sætta degi.

711 kanningar vóru gjørdar í gjár, og allar eru liðugt greinaðar.

Í løtuni eru 12 tilburðir við covid-19 í Føroyum.

Eingin er innlagdur á sjúkrahús við korona.