Fýra útlendingar arbeiddu ólógliga í Føroyum

Fýra útlendingar vórðu í gjár tiknir og skuldsettir fyri at arbeiða ólógliga í Føroyum.

Talan er um fólk, sum arbeiddu í sama bólki. Ein var ferðaleiðari, ein var bilførari, ein bólkaleiðari og ein fotografur. Ongin teirra hevði neyðuga arbeiðs- og uppihaldsloyvi, og tey fáa nú eina bót, sum er í minsta lagið 10.000 krónur. Hava tey arbeitt í longri tíð í Føroyum, verður bótin størri, upplýsir vaktleiðarin á løgreglustøðini.