Fyri fyrstu ferð í 17 ár: Kalifornia nóg mikið av vatni til øll

Fyri fyrstu ferð síðan 2006 kann amerikanski staturin Kalifornia nú nøkta 100 prosent av eftirspurninginum eftir vatni.

Tað eru stormarnir og óvanliga høga nøgdin av avfalli, sum Kalifornia upplivdi í vetur, sum er orsøkin til, at tann annars sólríki staturin nú hevur fingið fylt vatngoymslurnar væl og virðiliga.

Í Kalifornia eru 29 veitarar, sum veita vatn til uml. 27 milliónir fólk og 750.000 hektarar av landbúnaðarjørð, skrivar tíðindastovan AP.

Í mars væntaði California State Water Project annars ikki, at tey kundu nøkta eftirspruninginum men bert veita 75 prosent av tí vatninum, sum tørvur var á.