Tíðindaskriv
Týskvøldið 12. mars kl. 19.30 verður fyrilestur í Sandavágs kirkju.
Tá fer Heini í Skorini, lektara í altjóða politikki á Fróðskaparsetri Føroya, at viðgera hesar spurningar: Hvør er bakgrundin fyri áleikandi krígnum í Ísrael og Gaza? Og hvørjar eru søguligu orsøkirnar til áhaldandi stríðið í Palestina og Ísrael?
Heini fer fyrst og fremst at viðgera søguliga upprunan til áhaldandi stríðið í Palestina og Ísrael. Eitt stríð, sum í nýggjari tíð kyknaði fyri góðum 100 árum síðani, tá evropeiskir jødar flýddu til Palestina undan vaksandi forfylging í Evropa.
Men evropeisku jødarnir komu til eitt land, har annað fólk eisini búleikaðist. Hvat er hent hesi seinastu 100 árini? Hvørjar hava royndirnar verið at skapa frið? Og hví hava stríðandi partarnir ikki fingið frið í lag?
Vinarliga broyt tínar kennifíla - og privatlívsstillingar fyri at síggja hetta innihald