Fyrilestur um rúsevnismisnýtslu millum ung

Mikudagin 6. apríl frá kl. 16.30 – 18 skipar viðgerðarstovnurin Frælsi, í samstarvi við Tvøroyrar kommunu, fyri fyrilestri um rúsevnismisnýtslu millum ung.

Tiltakið, ið er ókeypis, verður á Seglloftinum, á Havnarlagnum á Tvøroyri. Fyrilesturin tekur upp evni so sum:

• Hvat er rúsevnismisnýtsla?
  
• Hví taka so nógv ung rúsevni í dag?
  
• Hvussu kunu vit fyribyrgja rúsevnismisnýtslu?
  
• Hvørji eyðkenni skal ein vera varugur við?
  
• Hvussu hjálpa vit ungum við rúsevnismísnýtslu?
  

Tiltakið er alment og er viðkomandi fyri foreldur, starvsfólk og umsorganarpersónar, sum eru um ung í gerandisdegnum.  Fyrilestrahaldari er Erling Fles, løggilgur sálarfrøðingur.

Høvi er at seta spurningar og kaffi/the, og okkurt afturvið, verður at fáa, skrivar Tvøroyrar kommuna.