Fyrilesturin hjá íslendska forsetanum, Guðni Thorlacius Jóhannesson í Kongshøll skuldi upprunaliga verða mánadagin 2. mai, men eftir at hann fekk staðfest koronu, noyddist útseta sína Føroyavitjan í eina viku, men nú er fyrilesturin útsettur enn einaferð.
Útsetti fyrilesturin, sum skuldi vera í dag, er nú fluttur til í morgin klokkan 17. Hesuferð er tað tarnaða flogferðslan, sum er orsøkin. Bæði í dag og í gjár hava verið seinkingar og avlýsingar orsakað av veðrinum.
Fyrilesturin hjá íslendska forsetanum, sum verður á enskum, ber heitið “Nationalism in Turbulent Times. Lessons for Small Nations in the North Atlantic”
Fyrilesturin er ókeypis og fyri øll, og mælt verður til, at fólk møta í góðari tíð, tí dyrnar lata aftur klokkan 17, skrivar Fróðskaparsetrið á heimasíðuna. Neyðugt er við tilmelding.
Vinarliga broyt tínar kennifíla - og privatlívsstillingar fyri at síggja hetta innihald