Uttanlands

Fyrsta farmaskipið farið úr Odessa

Skipið Razoni er ávegis til Turkalands við 26.000 tons av maisi

Korn verður borið umborð á farmaskipini í Odessa (Mynd: AP)

Korn verður borið umborð á farmaskipini í Odessa (Mynd: AP)

2022-08-01 09:55 Author image
Alda Nielsdóttir
placeholder

Í morgun fór fyrsta farmaskipið úr havnini í ukrainska býnum Odessa, upplýsir turkiska verjumálaráðið.

Seinastu mánaðirnar, meðan kríggj hevur verið í Ukraina, hevur Russland blokerað fyri útflutningi umvegis ukrainskar havnir, men fyri góðari viku síðani gjørdu londini avtalu við ST um at fáa ferð aftur á útflutningin fyri at sleppa undan einari altjóða matvørukreppu.

Turkaland hevur virkað sum semingsmaður millum londini, og kann landið tí úttala seg um málið.

Skipið, sum fór úr Odessa í morgun, eitur Razoni og siglur undir Sierra Leone-flaggi. ST upplýsir, sambært DR, at skipið hevur 26.000 tons av maisi umborð.

Eftir ætlan verður skipið í Istanbul í Turkalandi í morgin, og eftir rannsakan fer skipið víðari til Libanon.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder