Hetlendingar hava ætlanir um at hava fyrstu veruligu rakettútskjótingarstøð klára til útskjóting longu í oktober mánaði
Endaligu loyvini at byggja eina rakettútskjótingarstøð í Hetlandi komu upp á pláss um mánaðarskiftið, og arbeiðið at byggja støðina er longu farið í gongd.
Arbeiðið skal ganga skjótt fyri seg, tí longu í oktober mánaði er ætlanin, at tann fyrsta rakettin skal skjótast upp frá rakettútskjótingarstøðini við navninum SaxaVord UK Spaceport, sum verður fyrsta útskjótingarstað á bretsku oyggjunum, og helst í Evropa eisini.
Talan verður um at skjóta smærri rakettir, sum kunnu flyta smáar fylgisveinar, serliga til samskiftisídnaðin, út í ringrás um jørðina.
Lamba Ness er landnyðringshornið í Hetlandi, har tað inntil kalda kríggið var av lá ein radarastøð hjá Royal Air Force, sum eisini bar navnið Saxa Vord.
Tað eru longu fleiri rakettbyggjarar, sum hava víst rakettstøðini í Hetlandi áhuga. Eitt nú risastóra amerikanska fyritøkan Lockheed Martin, sum hevur bílagt ta fyrstu rakettútskjótingina, sum eftir ætlan verður longu í oktober.
Lamba Ness liggur umleið 125 fjórðingar ella 325 kilometrar í ein landsynningeystan út Akrabyrgi.
Les meira og sí fleiri myndir ókeypis í Blaðnum Vikuskifti
Vinarliga broyt tínar kennifíla - og privatlívsstillingar fyri at síggja hetta innihald