Mentan

Fyrsta sýningin í kvøld

Havnar Sjónleikarafelag hevur framleitt føroyskan spælifilm við navninum “Illir andar”, og nú verður hann vístur

2019-03-14 14:02 Author image
Sverri Egholm

Í kvøld kl 20 verður fyrsta almenna sýningin av føroyska spælifilminum  ”Illir andar”, sum Pablo Merin hevur skrivað og leikstjórnað, og sum Havnar Sjónleikarfelag hevur framleitt.

Nevndin í Havnar Sjónleikarfelag hevði leingi tosað um at gera film. Tí var tað sera kærkomið, tá Pablo Merin í 2015 vendi sær til teirra við fyrispurningi um at brúka Sjónleikarhúsið til location til spælifilmin ”El imaginarium de Bruno Domenich”. Tað gekk tó skjótt, so varð ´location´ broytt til ´framleiðslufelag´, og filmurin ”Illir andar” byrjaði at fáa skap. Fyrst við casting í 2016, síðan við  upptøkum og eftirframleiðslu í 2017/18

Og 6. desember í fjør – í 100 ára jubileum felagsins, var filmurin frumsýndur.

Hetta er ein føroyskur spenning-spælifilmur, sum vendir sær til breiða áskoðarafjøld.

Ein tíðarhóskandi filmur, tikin upp í einum umhvørvi, sum flestu føroyingar kenna, men við óhugna og ófrættarámi.

Nú verða so almennar sýningar í Sjónleikarhúsinum.

Og at sita í salinum, og síggja filmin, har sum hann er tikin upp, má sigast at vera nakað heilt serligt og forkunnugt hjá áskoðarunum.

Sí brellbita omanfyri.

placeholder
placeholder