Fyrsti almenni valfundurin verður í kvøld

Valstríðið er av álvara í gongd, nú 15 dagar eru til Løgtingsvalið 2022.

Valfundur eru nakað, ið veruliga seta dám á valstríðið, og tann fyrsti stóri almenni valfundurin er á skránni í kvøld.

Valfundurin verður í Lívdini í Hoyvík. Byrjað verður klokkan 19, og hildið verður á í umleið tveir tímar. Kringvarpið vísur valfundin beinleiðis.

Evnini hesa ferð eru prísvøkstur, sosiala økið og ríkisrættarliga støðan, skrivar KVF, ið eisini staðfestir, at valfundurin er almennur, og øll eru vælkomin at lurta og seta spurningar.