Fyrsti fundur hjá nývalda landsstýrinum

- Mín høvuðsuppgáva verður at samskipa málini hjá landsstýrinum og tryggja at tey verða framd. Skulu vit røkka góðum úrslitum, verður neyðugt at samansjóða okkara sjónarmið og samstarva væl, sigur Bárður á Steig Nielsen, løgmaður, í sambandi við at fyrsti landsstýrisfundurin hjá nýggja landsstýrinum varð hildin í Tinganesi fyrrapartin.

Bárður á Steig Nielsen, løgmaður, Jørgen Niclasen, landsstýrismaður við fíggjarmálum, Jacob Vestergaard, landsstýrismaður við fiskivinnumálum og Kaj Leo Holm Johannesen, landsstýrismaður við heilsumálum hava áður verið í landsstýrinum.

Jenis av Rana, landsstýrismaður við uttanríkis- og mentamálum, Elsebeth Mercedis Gunnleygsdóttur, landsstýriskvinna við almannamálum og Helgi Abrahamsen, landsstýrismaður við vinnu- og umhvørvismálum, royna seg fyri fyrstu ferð í landsstýrinum.

Landsstýrisfundur verður aftur í komandi viku. 

(Mynd: Løgmansskrivstovan)