Fyrsti kvinnufilmur úr Saudiarabia í Filmsfelagnum

Haifaa Al Mansour, ið er fyrsti kvinnuligi filmsleikstjóri í Saudiarabia hevur gjøt spælifilmin ”Maryam - The Perfect Candidate”. Tað er tann filmurin, sum Filmsfelagið vísur mikudagin 8. Juli.

Haifaa Al Mansour hevur lisið bókmentir í Kairo og film í Sydney.

Evnið, ið er arabiska nútíðarkvinnan móti eini aldargamlari patriarkalskari hevd, sást eisini í sýriska heimildarfilminum ”The Cave”, sum Filmsfelagið vísti 4. mars í ár, tá læknin, Haifa Awad, innleiddi. 

Annika Olsen, borgarstjóri í Tórshavnar kommunu, fer at innleiða sýningina við nýggja saudiarabiska filminum ”Maryam – The Perfect Candidate”.

Meira um filmin sæst á Facebook-síðuni hjá Filmsfelagnum.