Fyrstu skamtarnir koma í kvøld

Í kvøld kemur fyrsti kassin við koronuvaksinu til Føroya, og í morgin verða tey fyrstu fólkini  koppsett, boðar Heilsumálaráðið frá í dag.

Talan er um ein heilan kassa við 975 skamtum sum koma við flogfari í kvøld, og tey fyrstu, sum verða koppsett, eru heilsustarvsfólk í smittuvanda, eins og tilskilað er í almennu koppingarætlanini.

Koppsett verður á teimum trimum sjúkrahúsunum.