Gera handilshølini við Biskupstorg klár

Móti sumri kunnu Kaffihúsið Fríða, Norðoya Kunningarstova, 2U, Motus Sport, Madame Vælvera og Vøggan flyta sítt handilsvirksemið í handilshølini við Biskupstorg.

Klaksvíkar kommuna skrivar á heimasíðuni, at avtala við arbeiðstakarar, sum skulu standa fyri arbeiðinum, varð undirskrivað í morgun.

Teir sum luttaka í arbeiðinum eru Rebus, Richard Sørensen, Magni Jacobsen, TTS, Klima og Victor á Lakjuni.

Kostnaðurin er umleið 8,5 milliónir krónur.