Agnar Prestá
Klaksvíkar kommuna fer í næstum at einsrætta Kráargøtu (norðureftir) og Heygavegin (suðureftir).
Hetta skrivar klaksvik.fo
- Talan um eina royndarverkætlan, sum verður eftirmett seinni í ár. Hetta verður gjørt fyri at bøta um trygdina kring skúlaøkið.
Hetta kemur ikki av ongum. Spurnartekin hava verið við ferðslunatrygdina beint við stóra fólkaskúlanum, ætlanin hevur verið uppá tal í rúma tíð, og Klaksvíkar kommuna hevur eisini fingið professionella ráðgeving á økinum.
Í fjør bað kommunan ráðgevarafyritøkuna, Ráð, um at koma við eini meting av ætlanini um at einsrættað hesar báðar gøturnar. Tað er við støði í hesum metingum, at hendan avgerðin er tikin, staðfestir kommunan.
Júst hetta var roynt á sumri i 2024, tá ið hesir vegir vóru einsrættaðir í samband við vegarbeiðið á Stangavegnum.
- Betri ferðslutrygd er nakað sum borgarakanningin greitt vísti á, og sum býráðið hevur sett pening av til í ár, nevnliga at betra um trygdina og ferðsluviðurskiftini í miðbýnum og kring Skúlatrøð.
Neyðug skelti eru sett upp, og broytingarnar koma í gildi frá mikudegnum (26. feb.) at rokna, upplýsir Klaksvíkar kommuna.
Vinarliga broyt tínar kennifíla - og privatlívsstillingar fyri at síggja hetta innihald