Gera ungdómsdeild á Býarbókasavinum í Havn

Í dag hevur Tórshavnar kommuna skrivað undir arbeiðstøkusáttmála við Sp/F Valaverk um at innrætta og gera eitt ungdómsbókasavn á 2. hædd í Býarbókasavinum í Niels Finsensgøtu í Havn.

Endamálið við verkætlanini er at gera serstøk høli til eina ungdómsdeild, sum serliga skal gera tað áhugavert fyri ungdómin at leita sær á gátt, bæði fyri at læna viðkomandi bøkur og fyri at uppihalda sær á deildini, skrivar Tórshavnar kommuna á heimasíðuna.

Í verkætlanini liggja eisini umvælingar av vesum og skiftiumstøðum á barnabókasavinum.

Arbeiðið byrjar í september og verður væntandi liðugt um ársskiftið. Samlaða verkætlanin kostar 1,7 mio. krónur.