Gingu á takinum á Badmintonhøllini

Klokkan 16.15 seinnapartin í gjár fekk løgreglan eina fráboðan um, at nakrir ungir dreingir gingu á takinum á Badmintonhøllini í Havn.

Tá løgreglan kom á staðið var ikki trupult at fáa teir niður aftur. Dreingirnir komu nevniliga beinanvegin niður av takinum, tá teir vórðu bidnir.

Løgreglan fekk eitt álvarsligt prát við teir, og lovaðu teir, at hetta skuldi ikki endurtaka seg.