Mentan

Góð úrslit í tónleikakapping í Danmark

Ungir tónleikarar komu heimaftur við hvør sínari virðisløn

Frá vinstru Sigrið F. Hansen, Yngva S. Lamhauge og Hannes Godtfred Dam

Frá vinstru Sigrið F. Hansen, Yngva S. Lamhauge og Hannes Godtfred Dam

2020-09-23 06:56 Author image
Tíðindaskriv
placeholder

Farna vikuskiftið vóru tríggir næmingar úr Tórshavnar Musikkskúla við í stóru tónleikakappingini “Den klassiske Musikkonkurrence” í Keypmannahavn, har gott og væl hundrað tónleikarar yngri enn 17 ár, á ymsum ljóðførum kappaðust.

Úr Tórshavnar Musikkskúla luttóku Sigrið F Hansen á kontrabass, Yngva Sigurdsdóttir Lamhauge á saksofon og Hannes Godtfred Dam á gittara.

Ikki kann sigast annað, enn at úrslitini vóru sera góð Sigrið og Yngva fingu 1. virðisløn, og Hannes 2. virðisløn.

Tað er mennandi fyri næmingar at luttaka í slíkari kapping, og at sammeta seg við onnur ung, og góða úrslitið vísir okkum eisini, at næmingar úr Føroyum standa einki aftanfyri næmingar í øðrum londum, skrivar Tórshavnar Musikkskúli í tíðindaskrivi.

Næmingar og lærarar teirra, Agnar Lamhauge, Bernharður Wilkinson og Ragnar Olsen eru fegin um luttøkuna og ikki minst úrslitið. 

placeholder
placeholder