Góðir 3.500 metrar eftir at bora

Nú eru 7.257 metrar av Sandoyartunlinum boraðir. Sandoyartunnilin verður 10.785 metrar langur og tí eru nú góðir 3.500 metrar eftir at bora.

Í síðstu viku vóru 102 metrar boraðir. Sandoyarmegin, í Traðardali, vóru boraðir 61 metrar. Har eru nú í alt 3.887 metrar boraðir. Streymoyarmegin, á Gomlurætt, vóru boraðir 41 metrar í síðstu viku. Har eru nú í alt 3.370 metrar boraðir.

Arbeiðið byrjaði í 2018, og eftir ætlan skal Sandoyartunnilin vera liðugur í 2023, og mett verður at 300-400 bilar fara at koyra ígjøgnum tunnilin um samdøgrið.