Agnar Prestá
Høgu smittutølini seinastu vikurnar, og tað at gongd av álvara er komið á at geva prik, hava gjørt, at talið av koppsetingum í november hevur verið hægri enn flestu av seinastu mánaðinum.
Nú eru næstan 92 prosent av teimum yvir tólv ár koppsett, fimm prosent færri hava fingið tvey prik, og 8,5 prosent hava fingið Pfizer/BioNTech koppsetingina tríggjar ferðir, sambært tølunum á corona.fo.
Eftir koppsetingarnar í gjár, mikudagin 17.11 eru samanlagt 83.484 koronukoppsetingar eru gjørdar í Føroyum.
Heilsumyndugleikarnir upplýsa, at í gjár vórðu 303 fólk koppsett fyri koronu. 87 fólk fingu fyrra prikið, 103 fingu koppseting nummar tvey, og 113 fólk fingu triðja prikið.
- Nú hava 40.934 fólk fingið fyrru koppsetingina. 38.731 fólk hava fingið seinnu koppsetingina. 3.819 fólk hava fingið trý prik.
Vinarliga broyt tínar kennifíla - og privatlívsstillingar fyri at síggja hetta innihald